Woh Aaj Bhi Hai Mere Saath

Kal fir suni uski aawaaz, jo thi mere dil ki humraaz

Aawaaz mei jiski, kabhi tha jazbaaton ka ehsaas,

Woh jazbaat aaj bhi hain mere saath.

Kal fir usko aaya mera khayaal, jo thi meri bina kisi sawaal,

Khayaalon mei jiske kabhi tha mai har lamha,

Woh lamhe aaj bhi hai mere saath.

Kal fir uski aankhen hui num, jo thi mere har gum ka marham,

Aankhon mei jiske kabhi tha mera hi chehra,

Woh chehra aaj bhi hai mere saath.

Uski aawaaz mei ab woh jazbaat ka ehsaas na tha,

Uske khayaalon mei iss lamha mai na tha,

Uski aankhon mei ab mere chehra na tha,

Uss CHEHRE ke JAZBAAT har LAMHA aaj bhi hai mere saath.

Jeene ki ab kuch aur hi ada hai

Suna hai, dhung zamaane ka kuch naya hai,

Jeene ki ab kuch aur hi ada hai.

Pyaar jazbaat ki jagah daulaton mei bayaan hai,

Rishta ab khoon se nahi matlab se bandha hai,

Suna hai, dhung zamaane ka kuch naya hai.

Bachpan mei ab naadaani ki jagah hi kahaan hai,

Dosto ko ab dosti nibhane ka samay hi kahaan hai,

Suna hai, dhung zamaane ka kuch naya hai.

Zameen pe ab gehoon ki jagah imaarton ka prachalan hai,

Prashaasan mei ab arthneeti ki nahi savaarth-neeti ki hi reeti hai,

Suna hai, dhung zamaane ka kuch naya hai.

Aadhyatmikta ka ab aastha nahi laabh hi aadhaar hai,

Maryaada ab naitikta ki nahi bhay ki pehchaan hai,

Suna hai, dhung zamaane ka kuch naya hai.

Nishchit hai, tamanna teri iss zamaane ke dhung se kuch juda hai

Fir na jaane kyo iss adaa se tu bandha hai.

Kyo itna daridr hai mera mann

Gum mera sabse bada,

Meri a-safalta, meri mushkilen, meri majboori.

Uski peeda, uski a-sahaayta, uski haar,

Maine kab hai usko dekha.

Kyo itna Daridr hai mera mann,

Na dikhta kisi aur ka gum.

Dhan mera kyo kisi se kum,

Uske paas na Chhat na Ann.

Kyo itna daridr hai mera mann,

Na dikhta kisi aur ka gum.

Pyar mera mujhse khoya,

Zindagi ka rass khoya.

Uss anaath ne kabhi na koi apna paaya,

Maat-Pita ke liye sadaa roya.

Kyo itna daridr hai mera mann,

Na dikhta kisi aur ka gum.

Dhoka mere saath kisi rishte ne kiya,

Usko dhoka viklaangta ka niyati ne diya.

Kyo itna daridr hai mera mann,

Na dikhta kis aur ka gum.

Dekh paata agar mai kisi aur ka gum,

Bada na lagta kabhi mujhko gum.

Chhod jaayenge sab gum aur khushiyan yahi hum,

Saath jaayega sirf mann, vachan aur karam.

Aao bhula de sab gum, jiyen khul ke har pal hum.

Emerge out of Crickellusion and celebrate Revolutionization of India

Isn't the bowing of the government in terms of accepting the demands of Anna Hazare and People of India, bigger than the cricket world cup. Then, why aren't we celebrating as much? Realize, my dear fellow citizens, that, hopefully this victory will benefit every Indian instead of just few cricketers and people who run the game of cricket. For a country, mesmerized with numbers, it must be heartening to know that as Citizens of Independent India this is our first collective victory within our country and biggest effort since 64 years. So, the figures are much more intimidating than the cricket cup after 28 years. It is the way forward and a brawny establishment of the power of people. Salute the initiative of Shri. Anna Hazare for giving us; belief, common direction and consciousness of the fact that this drive is for me and my family, you and your family. It is also imperative here to mention that by accepting the demands of Shri. Anna Hazare and people of this nation, government has done no charity. So, Mr. Sibbal, quoting some individuals in the government as kind hearted is improper.

Come on India Cheer for your biggest victory since 1947.

Emerge out of Crickellusion and celebrate Revolutionization of India.

KAL BHI - AAJ BHI - KAL BHI

TU HI - TU HI - TU HI,

KAL BHI - AAJ BHI - KAL BHI.

AAYA BEKHABAR, RAHA NASAMAJH,

KAL BHI - AAJ BHI - KAL BHI.

TU HI - TU HI - TU HI!!!

GIRA, SAMBHLA, UTH KAR FIR CHALA,

AAJ CHALA, KAL NAHI.

SAHARA; KAL BHI - AAJ BHI - KAL BHI

TU HI- TU HI - TU HI!!!

ISS MOD PAR WOH MILE JO PYAARE BANE,

AAJ PYAARE, KAL NAHI.

PYAAR; KAL BHI - AAJ BHI - KAL BHI

TU HI - TU HI - TU HI!!!

JAWAANI MEI KHUBSOORTI KI MADHOSHI,

AAJ BAHAAREN, KAL NAHI.

KARUNA; KAL BHI - AAJ BHI - KAL BHI

TU HI - TU HI - TU HI!!!

ASANKHYE RAAHEN, SUNEHRI MANZILEN,

AAJ BULANDI, KAL NAHI.

KHWAAB; KAL BHI - AAJ BHI - KAL BHI,

TU HI - TU HI - TU HI!!!

AAYA BEKHABAR, RAHA NASAMAJH,

SAMJHA BUS MAI HI,

AAJ MAI, KAL NAHI.

TU; KAL BHI - AAJ BHI - KAL BHI,

TU HI - TU HI - TU HI!!!

EK NAYA SHIKHAR

Chaahton ko paane ki chaah adhoori,

Roothon ko manaane ki tamanna bhi na poori.

Aaj fir manzil chod chali, Kamzor thi koshish hamaari,

Jo choot gayi woh fir na lautegi, Zindagi uske bin fir waisi na hogi.

Par ek naya shikhar aur bhi hoga, Takdeer ka aalam kuch aur bhi hoga.